රෝල්ස්

 තේ වෙලාවට කටට සැරට කන්න කැමති අයට තමයි අද මං කියලා දෙන්න යන්නේ ඉක්මනට ගෙදර තියෙන අමුද්‍රව්‍ය වලින් කොහොමද රෝල්ස් හදාගන්නේ කියලා. 

 

 අවශ්‍ය ද්‍රවය : මාළු හෝ සැමන්                                                         150

                      තම්බාගත් අර් තාපල්                                                  100

                      ලොකු ලූණූ                                                                01 

                      සුදු ලූණූ                                                                     බික් 03  

                      තක්කාලී                                                                     01 

                      අමුමිරිස්                                                                      03 

                     කරපිංචා 

                     කුඩු කරගත් කරදමුංගු , කරාබු නැටි, කුරැදු පොතු             තේ හැදි 3/4 

                     ලීස්                                                                                100

                     ගා ගත් කැරට්                                                                 01

                     ලුනු                                                                              තේ හැදි 01

                     ගම්මිරිස්                                                                        තේ හැදි 01 

                     කෑලි මිරිස්                                                                     තේ හැදි 01

                     පොඩි කරගත් ඉගුරැ ස්වල්පයක් 

                     කහ කුඩු                                                                        තේ හැදි 4/1

                    පාන් පිටි                                                                         350

                    බිත්තර                                                                            02

                    පාන් කුඩු                                                                        200

                 

        මෙන්න මේ අමුද්‍රව්‍ය ටිකත් එකතු කරගෙන අපි බලමු කොහොමද රෝල්ස් හදාගන්නේ කියලා 😋

             මුලින්ම රෝල්ස් එක මැදට දා ගන්න පිරවුම හදාගන්න ඕනී.

  

        👉 පෑන් එකට තෙල් දාලා තෙල් රත් වෙනකොට තලා ගත් ඉගුරැ ටිකයි ,කුඩු කරගත් කරදමුංගු ,කරාබු  නැටි, කුරැදු ටිකයි පෑන් එකට දාගන්න ඕනී.

         👉   ඊලගට සුදු ලූනූයි, අමු මිරිසුයි , කරපිංචයි, කපාගත් තක්කාලී , ලොකු ලූණු ,කහ , ගම්මිරිස් ,කෑලි මිරිස් පෑන් එකට එකතු කරගන්න.

          👉  දැන් මේ මිශ්‍රනයට හීනියට කපාගත් ලීක්ස් , කැරට් එකතු කරගන්න ඕනි.

           👉  තමන්ගේ කැමැත්ත අනුව මාලු හෝ සැමන් පොඩි කර මෙම මිශ්‍රනයට එකතු කර ගන්න.

           👉  අන්තිමට තම්බාගත් අල ටිකද පොඩි කර එම මිශ්‍රණයට එකතු කරගන්න. දැන් රෝල්ස් එකට මිශ්‍රනය හරි.

             

        රෝල්ස් එකට අවශ්‍ය පෑන් කේක් එක ඊළගට හදාගන්න ඕනී.

   👉 පිටි වලට ලුනුයි බිත්තරයි දාලා මුලින්ම හොදට කලවම් කරගන්න ඕනී.

   👉 ඊළගට වතුර ටික ටික දදා ඝනකම් බැටර් එකක් සාදාගන්න.ගොඩාක් වතුර ගතියටත් නැතුව , ගොඩාක් ඝනකමටත් නැතුව බැටර් එක අපි හදාගන්න ඕනී.

   👉 දැන් මේ  මිශ්‍රනය ටිකෙන් ටික පෑන් එකටට දාලා පෑන් කේක් ටික හදාගන්න ඕනී.

    👉පෑන් කේක් හදලා ඉවර වෙනකොට මේ මිශ්‍රනයෙන් මේස හැන්දක ප්‍රමානයක් ඉතුරැ කරගන්න ඕනී.

රෝල් එකයි මිශ්‍රනයයි හදාගෙන අපි දැන් බලමු කොහොමද රෝල්ස් හදන්නේ කියලා.

      👉මුලින්ම පෑන් කේක් එක අරගෙන පැතලි මතුපිටක තියාගන්න ඕනී.

     👉 පෑන් කේක් එක මැදින් පිරවුමෙන් ටිකක් තියාගන්න ඕනී.

     👉 දැන් මුලින්ම පෑන් කේක් එකේ යට කොනකින් පිරවුම වැහෙන සේ නමන්න. දැන් දෙපැත්තෙන් නමන්න.

      👉දැන් මේක රෝල් එකේ හැඩයට රෝල් කරගන්න.

     👉 රෝල් එකේ අන්තිම තැන දිගහැරෙන නිසා පෑන් මිශ්‍රනයෙන් ටිකක් ආලේප කර සීල් කරගන්න.

      👉දැන් ඔක්කොම රෝල්ස් ටික හදලා ඉවර වුනාට පස්සේ බිත්තර දෙක බෝල් එකකට දමා හොදින් ගසාගන්න.

   👉 දැන් රෝල්ස් එකින් එක ගෙන බිත්තර මිශ්‍රනයේ ගල්වා පාන් කුඩු වල තවරා ගන්න.

   👉 දැන් තෙල් භාජනයක් ගෙන එයට තෙල් දමා තෙල් හොදින් රත් වුන පසු රෝල්ස් ගැඹුරැ තෙලේ බැදගන්න. 

මෙන්ම මේ විදිහට ඉක්මනට වගේම ගෙදර තියෙන අමුද්‍රවය යොදාගෙන ඔයාගේ තේ වෙලාවට ඔයාගේ අතින්ම හදගත් රසම රසම රෝල්ස් පිළිගන්වන්න ඔයාටත් පුළුවන් 😋

                      

     

          

            

          

               

           

පෑන් කේක්

                  පෑන් කේක් කියන්නේ ගොඩාක් රටවල ජනප්‍රිය කෑමක් . පෑන් කේක් එක එක රටවල එක එක විදිහට හදලා තියෙනවා අපි දැකලා තියෙනවානේ. ඉතිං අද බලමු ලංකාවේ විදිහට පෑන් කේක් හදන්නේ කොහොමද කියලා. 

             අවශ්‍ය ද්‍රව්‍ය :   පාන් පිටි                         200 

                                   පොල් කිරි කෝප්ප          1 1/2

                                   කහ කුඩු තේ හැදි             1 1/4

                                    බිත්තර                              1 

                                    ලුනු රස පදමට 

                                    ගා ගත් පොල්                  100

                                    සිනී                                 100

                                   කොටාගත් කරදමුංගු ටිකක් 

  

              මෙන්න මේ අමුද්‍රව්‍ය ටික එකතු කරගෙන අපි දැන් බලමු රසම රස පෑන් කේක් එකක් හදන්නේ කොහොමද කියලා .

             😋   මුලින්ම අපි පොල් පැණි ටික හදාගන්න ඕනී. 

                 👉 ඒකට මුලින්ම භාජනයකට සීනී ටිකක් දාලා හොදට රත් කරගන්න.

                  👉  සිනී ටික රත් වීගෙන එනකොට මේකට උණුවතුර ටිකක් දාලා කලවම් කරගන්න.

                   👉 සිනි ටික හොදට උණු වෙලා රන්වන් පාට වෙනකොට ඒකට කරදමුංගු ටිකයි , ලුනු ටිකයි රස පදමට දාගන්න ඕනී.

                   👉දැන් සිනී ටික පැණි වීගෙන එනකොට ගා ගත් පොල් ටික එකතු කරගන්න.

                    👉  පොල්වල වතුර ගතිය යනකම් තියලා ලිපෙන් බා ගන්න.

                    👉  ඊළගට පෑන් කේක් එකේ බැටර් එක සාදාගන්න ඕනී.

           😋  දැන් අපි බලමු බැටර් එක හදාගන්න විදිහ .

                👉 මුලින්ම පිටිවල කැට ගතිය යනකම් කලවම් කරගන්න ඕනී.පිටි කැට වගේ ඉතුරැ වෙලා තියෙයිනම් ඒවා හොදින් පොඩි කරගන්න ඕනී.

              👉 දැන් පොල් කිරි ටික සමග පිටි ටික එකතු කරගන්න ඕනී. ගොඩාක් උකුවට නැතුව ටිකෙන් ටික පොල් කිරි ටික පිටි සමග එකතු කරගන්න ඕනී. 

             👉  සාදාගත් මිශ්‍රණයට කහ ටිකකුයි ලුනු ටිකකුයි එකතු කරගන්න ඕනී.

             👉  දැන් පෑන් එකක් අරගෙන මද රස්නියෙන් ඒක රත් කරගන්න ඕනී. දැන් බැටර් එක දාලා තුනී රවුමක් ආකාරයට පෑන් එකට බැටර් යොදන්න.

             👉  වැඩි ඝනකමක් නැති නිසා ඉක්මනට බැටර් එක රත් වෙන හින්දා අනික් පැත්ත හරවා ගන්න ඕනි.

             👉  රන්වන් පාට වෙනකොට බැටර් එක පෑන් එකෙන් ඉවත් කරගෙන ඉක්මනට අවශ්‍ය ප්‍රමාණයට සාදාගත් පොල් පැණි ටික බැටර් එක මැදට  එකතු කරගන්න ඕනි.

            👉 දැන් පෑන්කේක් එක රෝල් එකක් ආකාරයට ඔතා ගන්න.

                            මේ විදිහට ඉක්මනට රසම රස පෑන් කේක් ඔයාගෙම අතින් හදලා පිළිගන්වන්න පුළුවන්.ඔයාගේ කැමැත්ත අනුව මේකේ පැණි රස අඩු වැඩි කරගන්න පුළුවන් නිසා ඕනෑම කෙනෙක්ට තේ වෙලාවට කෑමට ගන්න පුළුවන් . 

                             

                           

          

                

                 

                                    

            

පොටැටෝ චිප්ස්

                               

                        ලොකු පොඩි හැමෝම කන්න ආසා කරන කෑමක් තමයි පොටෑටෝ චිපස් කියන්නේ. කඩෙන් ලොකු ගානක් දීල ගන්නවට වැඩිය ඉක්මනට ගෙදරදී මේ පොටෑටෝ චිප්ස් හදාගන්න විදිහ තමයි මං අද ඔයාලට කියලා දෙන්න යන්නේ. ඕනි කරන අමුද්‍රව්‍ය ටිකත් අරගෙන අපි බලමු කොහොමද පොටැටෝ චිප්ස් හදන්නේ කියලා. 

                    අවශ්‍ය අමුද්‍රව්‍යය : අල ගෙඩි කිහිපයක් තමන්ට අවශ්‍ය ප්‍රමාණයට

                                                බැදගැනීම සදහා අවශ්‍ය ප්‍රමාණයට තෙල් 

                                                ලුණු කුඩු ස්වල්පයක්

                                                

             ටක් ගාලා හොයාගන්න පුළුවන් මෙන්න මේ අමුද්‍රව්‍ය ටික හොයාගෙන දැන් අපි බලමු කොහොමද පොටැටෝ චිප්ස් හදන්නේ කියලා.😋  

                   සාදාගන්නා ආකාරය :      ✔ මුලින්ම අල ගෙඩි හොදින් සෝදාගෙන පොතු ඉවත් කරගන්න ඕනී.

                                                        ✔   ඊට පස්සේ සිහින්ව දිගට අල ගෙඩි කපාගන්න ඕනී.

                                                        ✔   කපාගත් අල පෙති විනාඩි 15 විතර අයිස් වතුරේ පෙගෙන්නට හරින්න. [ බැදෙනකොට එකට ඇලෙන්නේ නැති වෙන්න තමයි එහෙම කරන්නේ]

                                                        ✔   ර්‍ඊට පස්සේ හොදින් වතුර ඉවත් කරගෙන පිරිසිදු රෙදි කැබැල්ලක් මතට දමන්න. [ වැඩියෙන් තියෙන ජලය ඉවත් කරගන්න තමයි එහෙම කරන්නේ.]

                                                        ✔  දැන් තෙල් බදුනක් ලිප මත තබා මද ගින්නේ විනාඩි 5 /10 පමන අල පෙති ටිකෙන් ටික බැදගන්න. [මෙතනදී අල තැම්බීමක් පමණයි සිද්ද වෙන්නේ ]

                                                     ✔  ඊළගට තෙල්  බදුනෙන් ඉවතට ගෙන ටිෂූ කඩදාසියක් මතට අල පෙති ටික දමා ගෙන නිවෙන්නට හරින්න.

                                                  ✔  දැන් නැවතත් තෙල් බදුන ලිපෙන් තබා ගැඹූරැ තෙලෙන් රන්වන් පාට වනතෙක් බැදගන්න.

                                                 ✔   හොදින් බැදුනු පසුව භාජනයකට දමා ලුණු දමා පිළිගන්වන්න.

                                                  ✔ අවශ්‍යනම් රසය වැඩි කර ගැනීම සදහා තක්කාලි සෝස් ද කෑමට ගන්නකොට එකතු කර ගන්න පුළුවන්.

                       ඔයා තෙල් ගොඩක් අඩුවෙන් පාවිචිචියට ගන්න කෙනෙක්නම් අවන් එක පාචිචි කරලත් මේ රසටම පොටැටෝ චිප්ස් හදාගන්න හැකියාවක් ඔයාට තියෙනවා. අපි දැන් බලමු අවන් එකෙන් තෙල් අඩුවෙන් දාලා  පොටැටෝ චිප්ස් හදන්නේ කොහොමද කියලා.

                                  ✔ මුලින්ම අල හෝදලා කලින් වගේම සිහින් තීරැ පෙති කපා ගන්නවා.

                                   ✔   සීතල වතුරට දමා තෙත මාත්තු කරගන්නවා.

                                    ✔  ලුණු සහ තෙල් අවශ්‍ය ප්‍රමාණයට ගෙන හොදින් අල පෙති සමග කලවම් කර තැටියක අසුරා ගන්න. තිබේනම් අතුරාගත් අල පෙති අතරට රෝස්මරීන් ඉත්තක්ද එක් කරන්න.[අවශ්‍යම නැහැ. රසය වැඩි කරගන්න.]

                                     ✔  දැන් 180 උෂ්ණත්වයක් සහිතව විනාඩි 30-35 අතර කාලයක් රන් වන් පාට වන තෙක් තියන්න. 

                                      ✔  හොදින් බේක් වූ පසුව භාජනයකට දමා පිළිගන්වන්න.

                     ඉතිං මේ වගේ ඔයාලට ක්‍රම දෙකකට ඉතා ඉක්මනට පහසුවෙන් පොටැටෝ චිප්ස් හදාගන්න පුලූවන්. පාඩම් කරන වෙලාවට , නිදහසේ ඉන්න වෙලාවට, පාටියක් තියෙන වෙලාවක වගේ පොඩි පොඩි අවස්ථාවලදී ඉක්මනට රසවත්ව ඔයාගේ අතින්ම පොටැටෝ චිප්ස් හදලා පිළිගන්වන්න ඔයාටත් පුළුවන්.

                         

                                     පොල් කේක්  

                                      ඔන්න අද මං ඔයාලට කියලා දෙන්න යන්නේ ඉක්මනින් හදාගන්න පුළුවන් පොල් කේක් හදන විදිහ ගැනයි.ඉතිං ඔයාලට හවස තේ වෙලාවට ඉතා ඉක්මනින් වගේම ලේසියෙන් හදාගන්න පුළුවන් කෑමක් තමයි මේ පොල් කේක් කියන්නේ.අවශ්‍ය කරන අමුද්‍රව්‍ය ටිකත් එකතු කරගෙන අපි බලමු කොහොමද රසම රස පොල් කේක් එකක් හදන්නේ කියලා.

            අවශ්‍ය ද්‍රව්‍ය :☀ සීනී                                               500 g

                               ☀ පිටි                                                250 g

                               ☀ මාගරින්                                         100 g

                              ☀  බිත්තර                                           03 

                              ☀  පොල් ගෙඩියක පොල් 

                              ☀ බේකින් පවුඩර් තේ හැදි                    02 

                              ☀ වැනිලා තේ හැදි                                02 

                              ☀  සුවද කුඩු දමන්නේ නම් තේ හැදි       01

                              ☀ රටකජු හෝ කජු                                 100 g

 

                 මෙන්ම මේ අමුද්‍රව්‍ය ටික එකතු කරගෙන අපි බලමු රසම රසට පොල් කේක් එකක් හදාගන්නේ කොහොමද කියලා.

          👉 මුලින්ම සිනී 500 g වලින් 250 g ලිපෙන් තියලා එයට පොල් ගෙඩියකින් ගා ගත් පොල් එකතු කර පොල් පැණි මිශ්‍රණය සාදා ගන්න.

           👉 සීනී හා මාගරින් හොදින් බීට් කරගන්න. බීට් කරන අතරවාරයේ  බිත්තරද වරකට එක බැගින් එකතු කරමින් සීනී ඇටයක්වත් ඉතුරැ නොවන ආකාරයට බීට් කරන්න.

            👉 වැනිලා හා මුලින්ම සාදාගත් පොල් පැණි මිශ්‍රණයද දමා නැවතත් බීට් කරන්න.

             👉 පිටි මිශ්‍රණය ගෙන එයට බේකින් පවුඩර් මිශ්‍රණයද එකතු කරගන්න.

             👉 දැන් පිටි මිශ්‍රණය හා පොල් පැණි මිශ්‍රණය එකට කළවම් කර ගන්න.

             👉 තෙල් කඩදාසි ඇලවූ තැටියක් ගෙන මිශ්‍රණය දමා මිශ්‍රණයට උඩින් රටකජු හෝ කජු එකතු කරගන්න.

              👉දැන් මිශ්‍රණය 30-35 අතර 180- 200 අතර උෂ්ණත්වයක් යටතේ බේක් කරගන්න.

              👉 බේක් කරගත් මිශ්‍රණය නිවුණු පසු බදුනකට දමා පිළිගන්වන්න.

                ඉතිං මේ විදිහට ඉතා ඉක්මනට වගේම ගෙදරදීම ලේසියෙන් ඔයාලට පොල් කේක් සාදාගැනීමේ හැකියාව තියෙනවා.ඔයාගේ අතින්ම හදලා ආදරණියන්ට දෙන්න පුළුවන් ඔයාලා ආසා කරන රසම රස කෑමක් හදන විදිහ දැනගන්න ආයෙත් දවසක එකතු වෙමු.

                               

                     

බටර් කේක්

 

                          මගේ බ්ලොග් එකෙන් ඔන්න ඔයාලට මං පළවෙනියෙන්ම කියලා දෙන්න යන්නේ ලොකු පොඩි හැමෝම ගොඩාක් ආසාවෙන් කන රසම රස බටර් කේක් එකක් හදාගන්නෙ කොහොමද කියලා.මුලින්ම අවශ්‍ය දේවල් ටික ලෑස්ති කරගෙන අපි රසම රස කේක් එකක් හදන විදිහ බලමු.

           අවශ්‍ය ද්‍රව්‍යය  :  👉පාන් පිටි                250 g

                                  👉 සිනී                      250 g

                                  👉 මාගරින්                  250 g

                                  👉කිරි කෝප්ප             1/4 

                                  👉 බිත්තර                     3

                                  👉 බේකින් පවුඩර්       තේ හැදි 02 

                                 👉 වැනිලා රසකාරක      තේ හැදි 02

  මෙන්න මේ අමුද්‍රව්‍ය ටික එකතු කරගෙන දැන් බලමු රසම රස බටර්  එකක් හදන්නේ කොහොමද කියලා ?

      👉බේකින් පවුඩර් සහ පිටි හොදින් කලවම් කර පැත්තකින් තබා ගන්න.

      👉  පුළුන් වගේ තත්වයකට එනකම් සිනී සහ මාගරින් ගසාගන්න .[ ඔයාලා බීට් කරනවානම් එකම අතකට බීට් කරන්න අමතක කරන්න එපා .]

     👉 බිත්තර එකින් එක එකතු කරමින් සිනී ටික සහ මාගරින් හොදින් බීට් කරන්න. මතක තියාගන්න සීනී ටික දියවෙනකන් බීට් කරගන්න ඕනෑ.

     👉දැන් වැනිලා රසකාරකද මේ මිශ්‍රණයට යොදා හොදින් කළවම් කරගන්න.

     👉 කලින් සදාගත්ත බේකින් පවුඩර් සහ පිටි මිශ්‍රණයට ටිකෙන් ටිකෙන් කලවම් කර සාදාගත් මිශ්‍රණය එකතු කරමින් බීට් කරන්න.

     👉සාදාගත් කිරි ටිකද එම මිශ්‍රණයට එකතු කරගන්න.

      👉 දැන් සාදාගත් මිශ්‍රණය බේක් කර ගැනීම සදහා සෝදා වියළාගත් තැටියක් ගෙන එහි බටර් හෝ මාගරින් තවරා ගන්න.

        👉  මිශ්‍රණය තැටියට දමාගෙන කේක් එක වර් ණවත් කිරීමට අවශ්‍යනම් කැමති පාටකින් කලරින් බිංදු කීපයක් එකතු කරන්න.

       👉 දැන් කේක් එක පුළුස්සා ගැනීම සදහා කලින් රත් කරගත් අවන් එක තූළ සෙල්සියස් අංශක 180 උෂ්ණත්වයට  සකස් කරගන්න.

        👉 දැන් කේක් මිශ්‍රණය දැමූ තැටිය අවන් එක තුළට දමා කේක් එක මිනිත්තු 35 පමණ පුළුස්සා ගන්න.

        👉විනාඩි 35 පසුව කේක් එක අවන් එකෙන් පිටතට ගෙන නිවෙන්නට හරින්න.

        👉  නිවුණු පසුව තැටියෙන් පිටතට ගෙන අවශ්‍ය ප්‍රමාණයට කපා පිළිගන්වන්න.

                                  මේ ආකාරයට ඉතා ඉක්මනින් සහ ලාභදායි ලෙස බටර් කේක් එකක් නිවසේදීම සදාගන්න අපට හැකියාව තියෙනවා. ඔයාගේ ජීවිතේ වැදගත් අවස්ථා සමරන හැම වෙලාවක දීම ඔයාගේම අතින් හදන රසම රස කේක් එකක්  කෑම මේසෙට එකතු කරන්න ඔයාට දැන් පුළුවන් .  😋